Aurten, aurreko bi urteetan ez bezala, San Andres egunean taloak saltzeko txozna ipini ahal izan dugu.
Pozik gaude jendeak eman duen erantzunarekin, taloen salmentekin, egon den giro apartarekin eta baita ere txosnan lan egin duen bolondres talde ezin hobearekin.
Guzti hau dela eta, argi esan dezakegu 2022. urteko San Andres eguna borobila izan dela Urbat I.K.E. taldearentzako.
Ohi den bezala, San Andres otarraren zozketa egin dugu. Zenbaki saritua 1626a izan da. Zozketa egin eta berehala agertu zan irabazlea. (Irabazlearen eta klubeko lehendakaria den Iñigo Kortabarriaren portadako argazkia).
Klubaren aldetik eskerrak luzatu nahi dizkizuegu guretzako hain garrantzitsua den ekimen honetan parte hartu duzuen guztioi.
Eskerrik asko denoi!!!
