Sailkapenak

URBAT URKOTRONIK 9

WATERPOLO DONOSTI 6

(3-1;2-3; 1-0; 3-2)

Waterpolo Donosti, berriro ere, talde antolatua, sufritua, borrokalaria, lehiatzeko orduan esfortzuetan aurrezten ez duena. Orain dela bi urte, garaipena lortu zuten, 9-11, aurreko urtean Urbaten garaipen agonikoa, 3 gol gutxiagorekin ere egon zela, Eneko Treviñok magia egin zuen arte. Asteazken honetan, Orbeako igerilekuan, Urbaten 2017/18 denboraldiko etxeko bataioan eta WP9802-en kontra lortutako berdinketa batekin zetorrela, donostiarrek beraien joko antolatu eta diziplinatuarekin bat egin dute partidu guztian zehar.

Kronika: 2-3 minutu lekua aurkitu gabe ibili eta gero, eibartarrak, beraien momenturik onenak gogora ekartzen dituzten joko kolektiboaren faltan, banakakotasunez jotzen du. Gaur, Basterrika eta Sanz-en esku egon da markagailua irekitzea eta “bat gehiago” egoeraren ondorioz Iñarra ezkertiarraren golarekin batera. Lehenengo zatiaren 3-1-aren ondoren, bigarrenean Donostik distantziak mozten ditu 4-4… Urbatek atakeko geometriak mantentzeko sufritu egiten du eta zatiaren 2 segundo falta zirenean Ekhi Sologasituak bere pikardia atera eta Urbat 5-4 itxaropentsu baten jartzen du.

Hirugarren zatia, normalean zati erabakikorra izaten da baina ez gaurkoan: bai Urbat Urkotronik baita Donostik ere aurkaria baliogabetu nahian zentratu dira eta ez dute atea ikusten. Hemen da, partidua bere punturik altuena hartzen duenean, Urbatek kontra-golpea gehiegitan barkatu izan du eta 6 minutu markatu gabe egon eta gero Basterrikak atea ikusten du: 6-4, moral armaginarentzako baltsamoa.

Laugarren zatia, lehenengo jokaldian Vilaverdek markagailuan Donosti hurbiltzen du, baina Urbatek zenbatetan sufritu izan duen gogoratu eta Basterrikaren bi golekin eta Sanz-en beste batekin 3 puntuak Eibarren gelditzea lortzen dute.

Garaipen agonikoa errespetu guztia merezi duen aurkari batekin. Orain, 10 egun indarrak hartzeko eta Iruñan berriro agertzeko, oraingo honetan Waterpolo Navarra C-ren kontra, urriak 21ean 15:00etan.

Davide Cerchiren kronika

GIZONEZKOEN EUSKAL HERRIKO LEHEN MAILAKO LIGA

URBAT URKOTRONIK 19

NAVARRA C 6

Euskal Herriko liga erregularreko azkenengo jardunaldian Urbatek erraztasunez irabazi du hutsegitez beteriko Waterpolo Navarrari eta liga 4. postuan bukatu du, bai Euskal Herriko irabazlea erabakitzen duten play off-ak baita Espainiako txapelketarako sailkatuz ere bai.

Bide luze bat (22 partidu, 14 garaipen, galdutako 6 eta 2 berdinketa, 242 sartuta eta 183 jasota), non Urbat, berriro jaistea espero zena, joko adrenaliniko eta bertikal batekin bere aurkariak ustekabean harrapatu ditu.

LEHENENGO MAILAKO EMAKUMEZKOEN LIGA

URBAT3H 7

WP9802 11

Kopako erreginak, Nazional mailako lehenengo dibisiora igotzeko fasean sartuta, beraien ligako konpromisoa forma hartzeko erabili dute.

ESKOLAR MAILAKO GIPUZKOAKO LIGA

OIASSO 4

URBAT 0

BIDASOA 0

URBAT 4

Klubeko gazteenak, Zaragozako Rafa Feliz torneo ezaguna prestatuz, Irunera joan dira bertakoek egin dituzten bi taldeen kontra, bat infantil mailako jokalari gehiagorekin eta bestea alebinekin, bi partidu jolasteko. Prestazio ona Orbeakoena aurreratzen doazenak.

GIZONEZKO ETA EMAKUMEZKOEN INFANTILEN EUSKAL SELEKZIOA

Asteburu honetan Madrileko Mundialen M-86 igerilekuetan Autonomien arteko Espainiako Txapelketa izan da: 16 autonomi erkidego. Euskal autonomi Erkidegoak, 5. postua lortu du emakumezkoetan eta maila oso on batekin jokatutako partiduan, 6.a gizonekoena. 6 eibartar aukeratuak izan dira bertan egoteko: Elene Molina, Miren Urizar, Ezozi Akizu, Anton Akizu, Xabier Eguidazu eta Unax Unceta. Oso estadistika onak eskaini dituzte, besteak beste goletan: 20 gol Urbaten jokalariak sartutakoak izan dira (Ezozi atezaina da)

Davide Cerchi-n kronika

Asteburu oso garrantzitsua (baina ez hurrengoa bezain oinarrizkoa), Urbateko talde guztiekin kanpoan jokatzen. Ikusiko dugu nola joan den… Txapelketak orain bukatuko balira, Urbat bere talde guztiekin txapelketa estataletarako sailkatuta egongo lirateke!

EUSKAL HERRIKO GIZONEZKO SENIORREN LEHEN MAILA

CLUB DEPORTIVO BILBAO 9

URBAT URKOTRONIK 10

Seniorrak, salbatzea helburu zutela, merezitako nazional mailara igotzeko play off-etarako borrokarako 2 jardunaldietara aurkitzen dira. Club Deportivo Bilbaoren etxean kontrako tentsio handiko partidu bat irabazi eta gero, Urbat, igerileku honetan sailkapeneko lehenengo hiruen artean puntuak lortu dituen talde bakarra izan da. Astean zehar izandako entrenamendu gogorrak funtsezkoak izaten ari dira eibartarrek egiten ari diren denboraldirako. Larunbatean 14:30tan Larrainan kontra oso partidu garrantzitsua jokatuko dute.

EMAKUMEZKOEN EUSKAL HERRIKO SENIOR MAILAKO LEHENENGO MAILA

LEIOA WATERPOLO 8

URBATHIRUH 9

“Kopako erreginen” “opor” aste batzuen ondoren kalitate eta eraginkoratsuna atera dute: 8-7 galdu eta bukaerarako 35 segundo falta zirenean eta azkenengo segundoan 8-9 irabazten bukatzeko. Odol hotza eta sufritzeko gaitasuna funtsezkoak izan dira. 3 puntu hauei esker, gizonezkoen taldea bezala, momentu honetan nazional mailako bigarren mailara igotzeko play off-etarako sailkatuta egongo lirateke.

GIZONEZKOEN EUSKAL HERRIKO BIGARREN MAILA

CASTELLAE BURGOS 5

URBAT URKOTRONIK 15

Orbeako gazteak ondo portatzen ari dira puntuak eta joko ona jasoz doazen leku guztietatik.

EUSKAL HERRIKO GIZONEZKOEN KADETE LIGA

CLARET ASKARTZA 6

URBAT URKOTRONIK 14

8 hilabetetan bakarrik garaipenak ezagutzen dituzte, beste talde batzuetan bezala, liga orain bukatuz gero, Espainiako txapelketarako sailkatuta egongo lirateke (liga irabazteaz gain)

INFANTIL MAILAKO EUSKAL HERRIKO LIGA

CLARET ASKARTZA B 8

URBAT URKOTRONIK 7

Urduritasunagatik eta konfiantza faltagatik guztiz beraien eskura zegoen partidu bat galdu dute. Nahiz eta gaur bukatuko balitz denboraldia Espainiako txapelketarako sailkatuta egon eta beraien ligako 21etik 5. postuan egon, ondino alde psikologikoan lan handia egin behar dute.

PORTUGALEN PROTAGONISTAK

Berez beraietaik 6k (Anton Akizu, Ezozi Akizu, Xabier Eguidazu, Elene Molina, Unax Unceta eta Miren Urizar) aurreko asteburuan TORNEO INTERNACIONAL DE PORTOn parte hartu dute Euskadiko selekzioarekin. Mutilak lehenengoak geldituz partidu guztiak irabazita eta seigarrenak neskekin.