Kadete Archives — Page 2 of 2 — Eibarko Urbat I.K.E.

Semaforo gorria Urbat Urkotronik talde guztientzat!

Azkenengo zazpi urteak ez bezala, aurten Urbat URKOTRONIK taldeak ez du talderik sailkatu Euskal Herriko Kopako lauko finalerako. Goazen ordenaren arabera.

EMAKUMEZKOEN EH KOPAKO FINAL-LAURDENA :URBAT DONOSTI 7 vs ASKARTZA 20

Emakumezkoen taldeak ezin izan du ezer egin txapelketa irabazteko faboritoa den Askartzaren aurka.

GIZONEZKOEN LIGA: WATERPOLO NAVARRA B 11 vs URBAT URKOTRONIK 10

Partida bikaina Iruñean jokatutakoa gureak protagonista nagusi izan direlarik. Agian etxekoek baino gehiago merezi izan dugu baina xehetasun pare batek eta desorekaren batek balantza nafarren aldera eragin dute.

KADETE LIGA : ASKARTZA 11 vs URBAT URKOTRONIK 5

Kadete taldeak une onak itzalaldiren bat edo beste batekin txandakatu ditu. Porrot hori gorabehera, liga ona egiten ari gara.

HAURREN LIGA: URBAT URKOTRONIK 3 vs LARRAINA 11

Haurren taldea, infantil lehen urteko 11/13 jokalariz osatua, arerioen fisiko indartsuagoa sufritzen ari da.

ESKOLARTEKO LIGA: URBAT URKOTRONIK 2 vs LAUTADA 4

Kategoria honetan ere Urbatek alebin mailako lehenenengo urteko jokalari askorekin ari da. Oraingoan Lautada nagusi izan da.

Beste Urbat asteburu hunkigarria

by A.F. A.

GIZONEZKOEN EH KOPA, FINAL-ZORTZIRENAK.SESTAO 6 vs URBAT URKOTRONIK 13

Joan den asteburuan ez bezala, aste honetako Urbatek joko zehatza eta argia erakutsi du beti partidaren pisua eramanez. Heldu den ostiralean, Iruñean, Nafarroa B-ren aurka, bertan jokatuko den lauko finalera sartzeko partida izango da.

KADETE LIGA: E. DONOSTI 3 vs URBAT URKOTRONIK 9. Duela astebete etxean irabazi ondoren, eibartarrak beste prestazio on batekin itzuli dira eta 2 puntu gehiago dituzte.

HAUR LIGA MISTOA. E. DONOSTI 11 vs URBAT URKOTRONIK 6.

2022/23 denboraldiko Urbat taldea 2010ean jaiotako neska-mutilek osatzen dute ia esklusiboki, eta taldearen hazkundean lagunduko duen beste partida bat izan zen zapatuan jokatutakoa.

MASTER JARDUNALDIA ORBEAN.

Master taldea, klubaren zati garrantzitsua, indartsu itzuli da larunbat honetan Orbean jokatutako mini txapelketa batekin, eta REST OF WORLD taldearen aurka 10:2ko markagailuarekin irabazi du finala.

Altzako igerilekuetan jokatutako Haur mistoen eta kadeteen partidak.

Asteburuko kronika

by A.F. A.

GIZONEZKOEN EH LEHEN MAILAKO LIGA: LARRAINA 5 URBAT URKOTRONIK 5 (9-8 PENALTIEN ONDOREN).

Batzutan Urbat taldeak bere burua dena baino hobeagotzat jotzen du eta partidak sufritu gabe irabazi ditzakeela pentsatzen du. Horrelako zerbait gertatu zen zapatuan Iruñean jokatutako partidan,

Lehenengo 10 minututan 4:0-ko partziala jasoz. Ondoren, Urbatek bere kasta atera eta partida berdintzea lortu zuen, penaltiak behartuz. Halere, Waterpoloaren jainkoak justizia ezarri zuen etxeko taldeari merezitako garaipena emanez. Sailkapenerako garrantzirik gabeko porrota, baina egoera guztiak errespetatu behar direla ulertzeko oso baliagarria.

EMAKUMEZKOEN EUSKAL HERRIA LIGA: URBAT URKOTRONIK DONOSTI 15 vs GETXO 7

Garaipen erosoa Orbeako neskentzat (10. 11 partidutan) harrobiko Naroa Hernandezek senior taldean debuta egin zuen egunean.

EUSKAL HERRIA KADETE LIGA: URBAT URKOTRONIK 10 vs LEIOA WLB 6

Kadete mailako taldeak ondo jokatu du, iraganeko porroten batetik ikasiz eta elkarrekin sufritu eta irabazi ahal izateko behar den umiltasunez aurkeztu da partidara.

Orbeako Igerilekuetan jokatutako partidak: Urbat Donosti Senior Emakumezkoak vs Getxo eta Urbat Kadete vs Leioa WLB

Urbat Urkotronik IKEren asteburua

by A.F. A.

Zapatu gauean, jendez gainezka zegoen Orbean, gizonezkoen senior A taldeak Askartza B taldearen aurkako partida galdu zuen. Bi talde hauen arteko iragan hurbileko azken partidetan gertatu izan den bezala, leia estua izan zen baina Askartza B-k momentu garrantzitsuak hobeto kudeatzen jakin zituen.

Eibartarrek bi aldiz lortu zuten markagailua orekatzea, 7-7an eta 10-10ean, baina azkenean 10-12 atzetik geratu ziren. Beste martxa bat sartu behar du taldeak sailkapenaren goi postuetan mantentzea nahi badu bere burua.

Domeka goizean, emakumezkoen senior taldeak beste garaipen bat lortu zuen (7tik 7.) aise irabazita Gasteizen Lautada-ren aurka jokatutako partida (7-10).

Domeka arratsaldean aldiz, Orbean sorpresa galanta eman zuen kadete taldeak Waterpolo Navarra taldea indartsuari 6-5 irabazita. Azpimarratzekoa egindako talde lana eta batez ere Peio Bergaretxe atezainak egindako sekulako partida, beste gauza batzuen artean, bi penalti geldituta.

Asteburuari bukaera emateko, gure txikiek Urgara Txingudiren aurkako partida errez irabazi zuten joko ona erakutsiz.

Urbat Urkotronik, asteburuko kronika

by A.F. A.

Ostiral gauean gure gizonezkoen Senior B taldeak Portugaleteko Nautica B taldearen aurka jokatu zuen Orbeako kiroldegian. Partidua zaila izan zen arren, taldeak erakutsitako defentsa bikainari esker partida irabaztea lortu zuen 10-4 -ko emaitzarekin. Hurrengo egunean, Orbean aritu ziren gure jokalariak Larraina B ren aurka. Oraingoan ere partiduak gure alde bukatu zuen 17-4 -ko emaitzarekin. jokatutako 6 jardunaldietan 6. garaipena lortuz.

Aldi berean, gure Neskek Donostian Lautadaren aurka jokatutako partidan 12-9 ko garaipena lortu zuten. Beraientzat ere 3 partiduetatik 3 garaipen!

Gizonezkoen Senior A taldeari dagokionez, larunbat gauean Orbean Larrainari aurre egitea tokatu zitzaion. Urduritasunari aurre eginez garaipen ederra (19-12) lortu zuen taldeak. Hala ere, datorren astean izango den Askartza B talde indartsuaren aurkako partidan gogorrago ekin behar dio taldeak garaipena lortzeko.

Azkenik, igandean Kadete eta Haurren txanda izan zen.

Kadeteek Portugaleten jokatu dute goizean Nauticaren aurka, Defentsa handia erakutsi dute gure gazteek eta etxera , 3-5eko garaipenarekin!.

Gure Haurrek ezin izan dute asteburua borobildu Easo talde indartsuaren aurka 6-21 galdu ostean Eibarko gaztetxoek hurrengo asteetan izango dituzten erronkak baliatu beharko dituzte euren jokoa hobetzen jarraitzeko.

Urbat Urkotronikek lan bikaina Logroñon

by A.F. A.

Urtero lez, Las Norias Igerilekuetan Logroñoko Waterpolo Klubak antolatzen duen txapelketan parte hartzera gonbidatu zuten Urbat Urkotronik taldeari. Torneoa irailaren 3an ospatu zen.

Emaitzak sekulakoak izan ziren. Urbat Urkotronikeko hiru mailetan txapeldunak bukatu zuten txapelketa. Alebin, kadete eta senior kategoriatan ekarri zituzten trofeoak.

Txapelketa paregabeko giroan ospatu zen. Eguzkia, alaitasuna, bokatak…! Egunaz zoragarri gozatu genuen Urbat Urkotronik familiak.

Hurrengo urterako zu ere etor zintezke! Ezagutuiguzu eta ikasi kirol berri bat. Orbean dira entrenuak eta astearte eta ostegunero arratsaldeko bostetan ditugu ate irekiak zure zain.!

Semaforo gorria Urbat Urkotronik talde guztientzat!

Beste Urbat asteburu hunkigarria

Asteburuko kronika

Urbat Urkotronik IKEren asteburua

Urbat Urkotronik, asteburuko kronika

Urbat Urkotronikek lan bikaina Logroñon

Waterpolo masculino

Waterpolo femenino